आधारभूमि संवाददाता
काठमाडौँ,माघ २६
इटालियन सिरी (ए) फुटबलमा एसी मिलान शीर्ष स्थानमा उक्लिएको छ । आइतबार राति भएको खेलमा एसी मिलानले क्रोटोनलाई ४-० गोलले पराजित गर्दै शीर्ष स्थानमा उक्लिएको हो ।
एसी मिलानलाई जित दिलाउन ज्लाटन इब्राहिमोविच र एन्टी रेबिकले दुई -दुई गोल गरे।
खेलको ३० औँ मिनेटमा ज्लाटन इब्राहिमोविचले गोल गर्दै मिलानलाई सुरुवाती अग्रता दिलाएका थिए।
दोस्रो हाफको ६४ औँ मिनेटमा इब्राहिमोविचले व्यक्तिगत दोस्रो गोल गर्दै टोलीको अग्रता दोब्बर पारे ।
खेलको ६९ औं मिनेटमा एन्टी रेबिकले गोल गर्दै मिलानलाई ३-० ले अघि बढाए।लगत्तै ७० औं मिनेटमा एन्टी रेबिकले व्यक्तिगत दोस्रो गोल गर्दै मिलानलाई ४-० को जित दिलाए ।
जितसंगै मिलानले २१ खेलबाट ४९ अंक जोडेको छ र शीर्ष स्थानमा उक्लिएको छ ।दोस्रो स्थानको इन्टर मिलानको २१ खेलबाट ४७ अंक छ । पराजित क्रोटोनको १२ अंक छ र पुछारमा छ ।
