आधारभूमि संवाददाता
काठमाडौं, २५ माघ
आइतबार थप १ सय १९ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा २ हजार २ सय ५१ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७१ हजार ९ सय २५ पुगेको छ ।
त्यस्तै पछिल्लो २४ घण्टामा पीसीआर विधिबाट २ हजार २ सय ५१ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ९२ रहेको छ । कोरोना सक्रिय संक्रमितको संख्या १ हजार ८ सय १५ जना छन् । हालसम्म २० लाख ९३ हजार ४ सय १७ जनाको पीसीआर परीक्षण गरिएको छ।
थप २ सय ६० जना डिस्चार्ज
नेपालमा पछिल्लो २४ घण्टामा २ सय ६० जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ६८ हजार ७२ पुगेको छ ।
नेपालमा हालसम्म कोरोनाबाट ज्यान गुमाउनेको संख्या दुई हजार ३८ पुगेको छ। पछिल्लो २४ घण्टामा थप २ जनाले ज्यान गुमाएका मन्त्रालयले जनाएको छ ।
