आधारभूमि संवाददाता
काठमाडौँ,माघ २२
इंग्लिस प्रिमियर लिग फुटबलमा शीर्ष स्थानको म्यानचेस्टर सिटीले ३ अंकको अग्रता बनाएको छ । बुधबार राति भएको खेलमा म्यानचेस्टर सिटीले बर्नलीलाई उसकै मैदानमा २-० गोलले पराजित गरेको हो ।
म्यानचेस्टर सिटीलाई जित दिलाउन गेब्रिएल जेसुस र रहीम स्टर्लिंगले एक-एक गोल गरे।सिटीले दुबै गोल पहिलो हाफमा गरेको हो ।
खेलको तेस्रो मिनेटमानै गेब्रिएल जेसुसले गोल गर्दै सिटीलाई अग्रता दिलाएका थिए ।त्यसपछि खेलको ३८ औं मिनेटमा रहीम स्टर्लिंगले गोल गर्दै सिटीलाई २-० को जित दिलाए ।
जितसँगै सिटीले २१ खेलबाट ४७ अंक जोडेको छ र शीर्ष स्थानमा ३ अंकको अग्रता बनाएको छ ।दोस्रो स्थानको म्यानचेस्टर युनाईटेडको २२ खेलबाट ४४ अंक छ ।पराजित बर्नलीको २१ खेलबाट २२ अंक छ १७ औं स्थानमा छ ।
