आधारभूमि संवाददाता
काठमाडौँ,माघ २१
कोपा इटालिया फुटबलको पहिलो सेमिफाइनलको पहिलो लेगमा युभेन्ट्सले इन्टर मिलानलाई पराजित गरेको छ ।मंगलबार राति भएको खेलमा युभेन्ट्सले इन्टर मिलानलाई उसकै मैदानमा २-१ गोलले पराजित गरेको हो ।
युभेन्ट्सलाई जित दिलाउन क्रिस्टियानो रोनाल्डोले दुई गोल गरे। इन्टर मिलानको लौतरो मर्तिनेजले एक गोल गरे ।
खेलमा पहिलो अग्रता इन्टर मिलानले लिएको थियो । खेलको नवौं मिनेटमा लौतरो मर्तिनेजले गोल गर्दै मिलानलाई अग्रता दिलाएका थिए ।तर,खेलको २६ औं मिनेटमा युभेन्ट्सका क्रिस्टियानो रोनाल्डोले पेनाल्टीमा गोल गर्दै खेल बराबरीमा फर्काए ।
त्यसपछि खेलको ३५ औं मिनेटमा रोनाल्डोले व्यक्तिगत दोस्रो गोल गर्दै युभेन्ट्सलाई २-१ को जित दिलाए ।
अब मिलान र युभेन्ट्सको दोस्रो लेग १० फेब्रुअरीमा हुनेछ ।
