आधारभूमि संवाददाता

काठमाडौ, माघ १९

सुनको मूल्यमा आज पनि वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ५०० ले वृद्धि भएको छ ।

आइतबार तोलामा रु ९२ हजार १०० मा कारोबार भएको सुनको मूल्य आज प्रतितोला रु ५०० बढेर रु ९२ हजार ६०० मा कारोबार भएको छ र तेजाबी सुनको मूल्य प्रतितोला रु ९२ हजार १०० तोकेको छ । यस अघि आइतबार तेजाबी सुन प्रतितोला रु ९१ हजार ६०० मा खरिद बिक्री भएको थियो ।

आज चाँदीको मूल्य प्रतितोला रु ८० ले वृद्धि भएको छ । आज महासङ्घले चाँदीको मूल्य प्रतितोला रु १४०० तोकेको छ । यस अघि आइतबार चाँदी तोलामा रु १३२० रुपैयाँमा कारोबार भएको थियो ।