आधारभूमि संवाददाता
काठमाडौ, १६ माघ
प्रिमियर लिग फुटबलमा लिभरपुलले सहज जित निकालेको छ । बिहीबार राति भएको खेलमा लिभरपुलले टोटनह्यामलाई ३-१ गोलले पराजित गरेको हो ।
लिभरपुललाई जित दिलाउन रोबर्टो फिर्मिन्हो, ट्रेन्ट एलेक्स्जेन्डर आर्नोल्ड र साडियो मानेले एक एक गोल गरे । टोटनह्यामका पियर एमेल होजबर्गले एक गोल गरे ।
पहिलो हाफको इन्जुरी समयमा रोबर्टो फिर्मिन्होले गोल गर्दै लिभरपुललाई सुरुवाती अग्रता दिलाएका थिए।
दोस्रो हाफको ४७ औँ मिनेटमा ट्रेन्ट एलेक्स्जेन्डर आर्नोल्डले गोल गर्दै टोलीलाई २-० ले अघि बढाए।त्यसको दुई मिनेटपछि टोटनह्यामका पियर एमेल होजबर्गले गोल गर्दै खेल २-१ को स्थितिमा ल्याए ।
त्यसपछि खेलको ६५ औं मिनेटमा लिभरपुलका साडियो मानेले गोल गर्दै टोलीलाई ३-१ को जित दिलाए ।
जितसँगै लिभरपुलले २० खेलबाट ३७ अंक जोडेको छ र चौंथो स्थानमा उक्लिएको छ । पराजित टोटनह्यामको ३३ अंक छ छैटौं स्थानमा छ ।
