आधारभूमि संवाददाता
काठमाडौं, १४ माघ
बुधवार थप २८३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ४ हजार ३८२ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या २ लाख ७० हजार ३७५ पुगेको छ ।
त्यस्तै पछिल्लो २४ घण्टामा पीसीआर विधिबाट ३ हजार २८६ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या १२२ रहेको छ । कोरोना सक्रिय संक्रमितको संख्या ३ हजार २८६ जना छन् । हालसम्म २० लाख ५७ हजार ६९ जनाको पीसीआर परीक्षण गरिएको छ।
थप २४६ जना डिस्चार्ज
नेपालमा पछिल्लो २४ घण्टामा २४६ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या २ लाख ६५ हजार ६९ पुगेको छ ।
नेपालमा हालसम्म कोरोनाबाट ज्यान गुमाउनेको संख्या दुई
हजार २० पुगेको छ। पछिल्लो २४ घण्टामा थप ३ जनाले ज्यान गुमाएका मन्त्रालयले जनाएको छ ।
