आधारभूमि संवाददाता
काठमाडौ, माघ १४

आज पनि सुनको मूल्य घटेको छ । मंगलबार तोलामा ९२ हजार ८०० मा कारोवार भएको छापावाल सुन आज प्रतितोला ७०० ले घटेर ९२ हजार १०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ७०० ले घटेर ९१ हजार ६०० मा कारोवार भएको छ । यस अघि मंगलबार तेजावी सुन रु ९२ हजार ३०० मा कारोवार भएको थियो ।

आज चाँदीको मूल्य पनि प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु १२५० तोकेको छ । यस अघि मंगलबार चाँदी प्रतितोला रु १२५५ मा कारोबार भएको थियो ।