आधारभूमि संवाददाता
काठमाडौं, १२ माघ
सोमबार थप ३३९ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ४ हजार ८५८ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या २ लाख ६९ हजार ७८९ पुगेको छ ।
त्यस्तै पछिल्लो २४ घण्टामा पीसीआर विधिबाट ४ हजार ८५८ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या १३२ रहेको छ । कोरोना सक्रिय संक्रमितको संख्या ३ हजार २४० जना छन् । हालसम्म २० लाख ४८ हजार ११३ जनाको पीसीआर परीक्षण गरिएको छ।
थप ४०१ जना डिस्चार्ज
नेपालमा पछिल्लो २४ घण्टामा ४०१ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या २ लाख ६४ हजार ५३८ पुगेको छ ।
नेपालमा हालसम्म कोरोनाबाट ज्यान गुमाउनेको संख्या दुई
हजार ११ पुगेको छ। पछिल्लो २४ घण्टामा थप १० जनाले ज्यान गुमाएका मन्त्रालयले जनाएको छ ।
