आधारभूमि संवाददाता

काठमाडौ, माघ ८

सुनको मूल्यमा आज पनि वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ६०० ले वृद्धि भएको छ ।

बुधवार तोलामा प्रतितोला रु ५०० ले बढेर रु ९२ हजार ५०० मा कारोबार भएको सुनको मूल्य आज प्रतितोला रु ६०० बढेर रु ९३ हजार १०० मा कारोबार भएको छ र तेजाबी सुनको मूल्य प्रतितोला रु ९२ हजार ६०० तोकेको छ । यस अघि बुधवार तेजाबी सुन प्रतितोला रु ९२ हजारमा खरिद बिक्री भएको थियो ।

आज चाँदीको मूल्य प्रतितोला रु १५ ले वृद्धि भएको छ । आज महासङ्घले चाँदीको मूल्य प्रतितोला रु १२७५ तोकेको छ । यस अघि बुधवार चाँदी तोलामा रु १२६० रुपैयाँमा कारोबार भएको थियो ।