आधारभूमि संवाददाता
काठमाडौ, पुुस २९
प्रिमियर लिग फुटबलमा म्यान्चेष्टर युनाईटेड शीर्ष स्थानमा उक्लिएको छ । मंगलबार राति भएको खेलमा म्यान्चेष्टर युनाईटेडले बर्नलीलाई १-० गोलले पराजित गरेको हो ।
युनाईटेडलाई जित दिलाउन पाउल पोग्बाले गरेको गोलनै निर्णायक बन्न पुग्यो । पोग्बाले खेलको ७१ औं मिनेटमा रासफोर्डको पासमा गोल गरेका हुन् ।
जितसंगै युनाईटेडले १७ खेलबाट ३६ अंक जोडेको छ र शीर्ष स्थानमा उक्लिएको छ । दोस्रो स्थानको लिभरपुलको १७ खेलबाट ३३ अंक छ ।पराजित बर्नलीको १६ अंक छ र १६ औं स्थानमा छ ।
