आधारभूमि संवाददाता

काठमाडौ,२८ पुस

सुनको मूल्यमा आज वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ६०० ले वृद्धि भएको छ ।

सोमबार तोलामा रु ९२ हजार २०० मा कारोबार भएको सुनको मूल्य आज प्रतितोला रु ६०० बढेर रु ९२ हजार ८०० मा कारोबार भएको छ र तेजाबी सुनको मूल्य प्रतितोला रु ९२ हजार ३०० तोकेको छ । यस अघि सोमबार तेजाबी सुन प्रतितोला रु ९१ हजार ७०० मा खरिद बिक्री भएको थियो ।

आज चाँदीको मूल्य प्रतितोला रु २० ले वृद्धि भएको छ । आज महासङ्घले चाँदीको मूल्य प्रतितोला रु १२५० तोकेको छ । यस अघि सोमबार चाँदी तोलामा रु १२३० रुपैयाँमा कारोबार भएको थियो ।