आधारभूमि संवाददाता
काठमाडौ, पुुस १५
स्पेनिस ला लिगा फुटबलमा बार्सिलोना ईबरसँग बराबरीमा रोकिएको छ ।मंगलबार राति भएको खेलमा बार्सिलोनालाई ईबरले १-१ गोलको बराबरीमा रोकेको हो ।
खेलमा बार्सिलोनाको लागि डेम्बेलेले एक गोल गरे भने ईबरको लागि किकेले एक गोल गरेका थिए।
खेलमा पहिलो अग्रता ईबरले लिएको थियो । खेलको ५७ औं मिनेटमा किकेले गोल गर्दै ईबरलाई अग्रता दिलाएका थिए ।
तर ६७ औं मिनेटमा बार्सिलोनाका डेम्बेलेले गोल गर्दै खेल बराबरीमा फर्काए र टोलीलाई हारबाट जोगाए ।
बराबरीसँगै बार्सिलोनाले १५ खेलबाट २५ अंक जोडेको छ र छैटौं स्थानमा छ । ईबरको १६ अंक छ र तालिकाको १५ औं स्थानमा छ ।
