काठमाडौ, पुस १४

आफ्नो स्थापनाकालदेखि नै गुणस्तरीय सेवा र ग्राहकहरुको सुविधालाई प्राथमिकता दिँदै आएको प्रभु क्यापिटलले टिकटक क्याम्पियन आयोजना गरिरहेको छ । आफ्ना टिकटक भिडियोहरुबाट लोकप्रियता कमाउन सफल रेश्मा घिमिरेले आफ्नो टिकटक एकाउन्टमा अपलोड गरेको प्रभु क्यापिटलको गीत र सोही क्याप्सन सहित आफ्नो टिकटक भिडियो अपलोड गरेर यस प्रतियोगितामा सहभागिता जनाउन सकिने छ । यहि पौष ९ गतेदेखि माघ ८ गतेभित्र प्रभु क्यापिटलको गीतमा टिकटक बनाउनु हुने सहभागीहरु मध्ये उत्कृष्ट भिडियो बनाउने तीन प्रतियोगीहरुले हेलिकप्टरको फ्लाईटमार्फत गोसाइँकुण्ड घुम्ने मौका प्राप्त गर्नेछन ।

हाल सबैको रुचि बनेको टिकटक मार्फत आयोजना हुने यो प्रतियोगिता उल्लेखनीय सहभागिता रहने अपेक्षा पनि गरिएको छ । साथै यस टिकटक प्रतियोगिता अवधिभरि प्रभु क्यापिटलमा निःशुल्क डिम्याट खाता खोल्ने अवसर पनि रहेको बताइएको छ ।