आधारभूमि संवाददाता
काठमाडौँ, ९ पुस
बिहीबार थप ६१३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ५ हजार ५१० जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो ।नयाँ संक्रमित हुनेमा २३३ महिला र ३८० पुरुष रहेका छन् ।यो सँगै हालसम्म सङ्क्रमितको सङ्ख्या २ लाख ५६ हजार ५९२ पुगेको छ । कोरोना सक्रिय संक्रमितको संख्या ७ हजार ३८४ जना छन् । हालसम्म १८ लाख ९६ हजार २५० जनाको पीसीआर परीक्षण गरिएको छ।
थप ७३९ जना डिस्चार्ज
नेपालमा पछिल्लो २४ घण्टामा ७३९ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या २ लाख ४७ हजार ४०० पुगेको छ ।
नेपालमा हालसम्म कोरोनाबाट ज्यान गुमाउनेको संख्या एक हजार ८०८ पुगेको छ। बिहीबार मात्रै ५ जनाको मृत्यु भएको मन्त्रालयले पुष्टि गरेको छ।
