आधारभूमि संवाददाता

काठमाडौ, मंसिर २३

सुनको मूल्यमा आज वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु १५०० ले वृद्धि भएको छ ।

सोमबार तोलामा रु ९२ हजार ६०० मा कारोबार भएको सुनको मूल्य आज प्रतितोला रु १५०० बढेर रु ९४ हजार १०० मा कारोबार भएको छ र तेजाबी सुनको मूल्य प्रतितोला रु ९३ हजार ६५० तोकेको छ । यस अघि सोमबार तेजाबी सुन प्रतितोला रु ९२ हजार १५० मा खरिद बिक्री भएको थियो ।

आज चाँदीको मूल्य प्रतितोला रु ३० ले वृद्धि भएको छ । आज महासङ्घले चाँदीको मूल्य प्रतितोला रु १२३५ तोकेको छ । यस अघि सोमबार चाँदी तोलामा रु १२०५ रुपैयाँमा कारोबार भएको थियो ।