आधारभूमि संवाददाता
काठमाडौ, २२ मङ्सिर
विश्वमा कोरोना भाइरस सङ्क्रमितको संख्या ६ करोड ७३ लाख नाघेको छ ।
नेपाली समय सोमबार १०:०० बजे सम्म विश्वभरीमा ६ करोड ७३ लाख ९२ हजार ७१२ जना व्यक्ति कोरोना सङ्क्रमित भएका छन् ।
सङ्क्रमितमध्ये हालसम्म चार करोड ६५ लाख ८३ हजार ६८० व्यक्ति कोरोना मुक्त भएका छन् । विश्वभरमा १ करोड ९२ लाख ६७ हजार २८७ व्यक्ति कोरोना भाइरस सङ्क्रमित रहेका उनीहरूको उपचार भइरहेको छ । सङ्क्रमितमध्ये १ लाख ६ हजार २२९ जनाको अवस्था गम्भीर रहेको जनाइएको छ भने विश्वमा कोरोना भाइरस सङ्क्रमणको कारण १५ लाख ४१ हजार ७४५ व्यक्तिको मृत्यु भएको छ ।
चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस सङ्क्रमणका कारण अमेरिका सबैभन्दा बढी प्रभावित भएको छ ।
सबैभन्दा धेरै सङ्क्रमित र मानवीय क्षति अमेरिकामा भएको छ भने दोस्रो धेरै प्रभावित ब्राजिलमा देखिएको छ ।
पछिल्लो विवरण अनुसार अमेरिकामा कुल सङ्क्रमितको संख्या १ करोड ५१ लाख ५९ हजार ५२९ पुगेको छ । त्यसैगरी यहाँ कुल मृतकको संख्या २ लाख ८८ हजार ९०६ पुगेको छ ।
दोस्रो धेरै प्रभावित भएको भारतमा ९६ लाख ७७ हजार २०३ जना सङ्क्रमित भएका छन् भने १ लाख ४० हजार ५९० जनाको मृत्यु भएको छ ।
त्यसतै तेस्रो धेरै प्रभावित भएको ब्राजिलमा ६६ लाख ३ हजार ५४० जना सङ्क्रमित भएका छन् भने एक लाख ७६ हजार ९६२ जनाको मृत्यु भएको छ ।
स्रोत: वर्ल्डोमीटर
