आधारभूमि संवाददाता
काठमाडौँ, २१ मङ्सिर
आइतबार थप १०९६ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ६ हजार ४९५ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ४० हजार ९८१ पुगेको छ ।
त्यस्तै पछिल्लो २४ घण्टामा पीसीआर विधिबाट ६ हजार ४९५ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ५३६ रहेको छ । कोरोना सक्रिय संक्रमितको संख्या १३ हजार ५८२ जना छन् । हालसम्म १७ लाख ८४ हजार ५१९ जनाको पीसीआर परीक्षण गरिएको छ।
थप १ हजार ७५२ जना डिस्चार्ज
नेपालमा पछिल्लो २४ घण्टामा १ हजार ७५२ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख २५ हजार ८०५ पुगेको छ ।
नेपालमा हालसम्म कोरोनाबाट ज्यान गुमाउनेको संख्या एक हजार ५९४ पुगेको छ। आइतबार मात्रै
१७ जनाको मृत्यु भएको मन्त्रालयले पुष्टि गरेको छ।
