आधारभूमि संवाददाता
काठमाडौँ, २१ मङ्सिर
साबिक विजेता रियल मड्रिडले स्पेनिस ला लिगा फुटबलमा जित निकालेको छ ।शनिबार राति भएको खेलमा रियल मड्रिडले सेभियालाई उसकै घरेलु मैदानमा १-० गोलले पराजित गरेको हो।
सेभियाको मैदानमा भएको खेलमा रियलले आत्मघाती गोलबाट जित निकालेको हो ।
खेलमा पहिलो हाफ गोलरहित बराबरीमा सकिएको थियो ।तर,दोस्रो हाफको ५५ औं मिनेटमा सेभियाका गोलकिपर यासीन बौंउले आत्मघाती गोल गरेपछि रियलले जित निकालेको हो ।
जितसंगै रियलले ११ खेलबाट २० अंक जोडेको छ र तेस्रो स्थानमा उक्लिएको छ । पराजित सेभियाको १० खेलबाट १६ अंक छ र छैटौं स्थानमा छ ।
