आधारभूमि संवाददाता

काठमाडौ, मंसिर १९

सुनको मूल्यमा आज पनि सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ३०० ले वृद्धि भएको छ ।

बिहीबार तोलामा रु ९२ हजार ६०० मा कारोबार भएको सुनको मूल्य आज प्रतितोला रु ३०० बढेर रु ९२ हजार ९०० मा कारोबार भएको छ र तेजाबी सुनको मूल्य प्रतितोला रु ९२ हजार ४५० तोकेको छ । यस अघि बिहीबार तेजाबी सुन प्रतितोला रु ९२ हजार १५० मा खरिद बिक्री भएको थियो ।

आज चाँदीको मूल्य प्रतितोला रु ५ ले वृद्धि भएको छ । आज महासङ्घले चाँदीको मूल्य प्रतितोला रु १२१० तोकेको छ । यस अघि बिहीबार चाँदी तोलामा रु १२०५ रुपैयाँमा कारोबार भएको थियो ।