आधारभूमि संवाददाता
काठमाडौ, मंसिर १६
सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ५०० ले वृद्धि भएको छ ।
सोमबार तोलामा रु ९० हजारमा कारोबार भएको सुनको मूल्य आज प्रतितोला रु ५०० बढेर रु ९० हजार ५०० रुपैयाँमा कारोबार भएको छ।महासङ्घले आजका लागि तेजाबी सुनको मूल्य प्रतितोला रु ९० हजार ५० तोकेको छ । यस अघि सोमबार तेजाबी सुन प्रतितोला रु ८९ हजार ५५० मा खरिद बिक्री भएको थियो ।
आज चाँदीको मूल्य पनि प्रतितोला रु ३५ ले वृद्धि भएको छ । आज महासङ्घले चाँदीको मूल्य प्रतितोला रु ११५५ तोकेको छ । यस अघि सोमबार चाँदी प्रतितोला रु ११२० मा कारोबार भएको थियो ।
