आधारभूमि संवाददाता

काठमाडौ, मंसिर १५

आज पनि सुनको मूल्य घटेको छ । आइतबार तोलामा ९० हजार ७०० मा कारोवार भएको छापावाल सुन आज प्रतितोला ७०० ले घटेर ९० हजारमा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ ६५० ले घटेर ८९ हजार ५५० मा कारोवार भएको छ । यस अघि आइतबार तेजावी सुन रु ९० हजार २०० मा कारोवार भएको थियो ।

आज चाँदीको मूल्य पनि प्रतितोला रु ३० ले घटेको छ । आज महासङ्घले चाँदीको मूल्य प्रतितोला रु ११२० तोकेको छ । यस अघि आइतबार चाँदी प्रतितोला रु ११५० मा कारोबार भएको थियो ।