आधारभूमि संवाददाता

काठमाडौ, मंसिर १४

साताको पहिलो दिन आइतबार सुनको मूल्यमा सामान्य गिरावट आएको छ। शुक्रबार तोलामा ९१ हजार ३०० मा कारोवार भएको छापावाल सुन आज ६०० ले घटेर ९० हजार ७०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि ६०० ले घटेर ९० हजार २०० मा कारोवार भएको छ । यस अघि शुक्रबार तेजावी सुन रु ९० हजार ८०० मा कारोवार भएको थियो ।

आज चाँदीको मूल्य पनि प्रतितोला रु १५ ले घटेको छ । आज महासङ्घले चाँदीको मूल्य प्रतितोला रु ११५० तोकेको छ । यस अघि शुक्रबार चाँदी प्रतितोला रु ११६५ मा कारोबार भएको थियो ।