आधारभूमि संवाददाता
काठमाडौ, मंसिर १३
सूर्यविनायक नगरपालिकाका मेयर वासुदेव थापालाई कोरोना संक्रमण पुष्टि भएको छ ।
मेयर थापाले सामाजिक सञ्जाल फेसबुक मार्फत आफूलाई कोरोना भाइरस संक्रमण भएको जानकारी दिएका हुन् ।
मेयर थापाले फेसबुकमा लेखेका छन्, ”अस्ति बिहीबार बेलुका निवासमा फर्केपछि हल्का ज्वोरोको महशुस भयो । शुक्रबार कोरोना परीक्षण गर्दा रिपोर्ट पोजेटिभ आयो। हालसम्म पनि हल्का ज्वोरो बाहेक अरु समस्या देखिएको छैन् । केही दिन यता मसँग सम्पर्कमा आउनु भएका महानुभावहरुलाई सतर्क रहन र कुनै समस्या देखिएमा कोरोना परीक्षण गरी ढुक्क हुन अनुरोध गर्दछु” ।
मेयर थापा अहिले होम आइसोलेसनमा बसेका छन् ।
