आधारभूमि संवाददाता

काठमाडौँ, ११ मङ्सिर

यूइएफ च्याम्पियन्स लिग फुटबलमा इटालियन क्लब एटलान्टाले लिभरपुललाई उसकै मैदान
एनफिल्डमा पराजित गरेको छ । बुधबार राति भएको समूह (डी) को खेलमा एटलान्टाले लिभरपुललाई २-० गोलले पराजित गरेको हो ।

एटलान्टालाई जित दिलाउन जोसिप लिलिक र रोबिन गोसेन्सले एक-एक गोल गरेका थिए ।एटलान्टाले दुबै गोल दोस्रो हाफमा गरेको हो ।

दोस्रो हाफको ६० औं मिनेटमा जोसिप लिलिकले गोल गर्दै टोलीलाई अग्रता दिलाएका थिए ।

त्यसको चार मिनेटपछि रोबिन गोसेन्सले गोल गर्दै एटलान्टालाई २-० को जित दिलाए ।

जितसंगै समूह (डी) मा रहेको एटलान्टाले ४ खेलबाट ७ अंक जोडेको छ र तेस्रो स्थानमा छ।एटलान्टाको नकआउट चरणमा पुग्ने सम्भावना कायम रहेको छ । पराजित लिभरपुलको ४ खेलबाट ९ अंक छ र शीर्ष स्थानमा छ । लिभरपुलले नकआउट चरणमा पुग्ने मौका गुमाएको छ ।