आधारभूमि संवाददाता

काठमाडौं,मंसिर ५

आज पनि सुनको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ४०० ले घटेको छ ।

बिहीबार प्रतितोला रु ९४ हजार ४०० मा कारोबार भएको छापावाल सुनको मूल्य आज ४०० ले घटेर प्रतितोला रु ९४ हजारमा झरेको छ । महासङ्घले आजका लागि तेजाबी सुनको मूल्य प्रतितोला रु ९३ हजार ५०० तोकेको छ ।यस अघि बिहीबार तेजाबी सुनको मूल्य प्रतितोला रु ९३ हजार ९०० मा कारोबार भएको थियो ।

आज चाँदीको मूल्य पनि प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु १२१० तोकेको छ । यस अघि बिहीबार चाँदी प्रतितोला रु १२१५ मा कारोबार भएको थियो ।