आधारभूमि संवाददाता

काठमाडौं,मंसिर ४

आज सुनको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ७०० ले घटेको छ ।

बुधवार प्रतितोला रु ९५ हजार १०० मा कारोबार भएको छापावाल सुनको मूल्य आज ७०० ले घटेर प्रतितोला रु ९४ हजार ४०० मा झरेको छ । महासङ्घले आजका लागि तेजाबी सुनको मूल्य प्रतितोला रु ९३ हजार ९०० तोकेको छ ।यस अघि बुधवार तेजाबी सुनको मूल्य प्रतितोला रु ९४ हजार ६०० मा कारोबार भएको थियो ।

आज चाँदीको मूल्य पनि प्रतितोला रु १५ ले घटेको छ । आज महासङ्घले चाँदीको मूल्य प्रतितोला रु १२१५ तोकेको छ । यस अघि बुधवार चाँदी प्रतितोला रु १२३० मा कारोबार भएको थियो ।