आधारभूमि संवाददाता

काठमाडौं,मंसिर ३

कोरोना कहरका बिचमा पनि आठवटा बैंकले भने आफ्नो नाफा बृद्धि गरेका छन् । १९ वटा बैंकले नाफामा बृद्धि गरेको देखिएको भएपनि सेयरधनिलाई दिने लाभांस तथा बोनसका लागि बाड्ने रकम अर्थात बितरणयोग्य मुनाफा भने ७ वटा बैंकले मात्रै बढाएका छन् ।

१९ वटा बैंकको नाफामा भने गिरावट आएको छ । कोरोना महामारीका कारण आर्थिक क्षेत्र अहिले सुस्त छ। जसको सिधा असर बैंकको लगानीमा परेको छ । लगानी बिस्तार गर्न नसक्दा बैंकको ब्यय अर्थात ब्याज खर्च मात्रै बढेको छ ।

साथैं बैंकहरुको स्प्रेडदर पनि गत वर्षको तुलनामा कम भएको छ । निक्षेप र कर्जाको ब्याज बिचको अन्तर खुम्चीएपछि बैंकको नाफामा केहि असर गरेको छ । यो वर्ष देखि नेपाल राष्ट्र बैंकले निक्षेप र कर्जा बिचको ब्याजअन्तर ४ दशमलव ४ कायम हुनुपर्ने व्यवस्था गरेको छ । जुन गत वर्ष ४ दशमलव ५ रहने व्यवस्था थियो । अझ यस्तो अन्तरमा सरकारी ऋणपत्रमा गरेको लगानी समेत गत वर्ष सम्म गणना गर्न पाइन्थ्या, जुन अहिले पाइदैन ।

कर्जा र निक्षेप बिचको अन्तर पनि साघुरिएकाले बैंकहरुको नाफामा कमि आएको हो । पुस मसान्तसम्म ऋण नतिरेमा खराब ऋणीको रुपमा राख्न नपाइने भएपनि त्यस्तो ऋणका लागि नाफाबाट ५ प्रतिशत रकम प्रोभजनिङ गरेर राख्नुपर्ने व्यवस्था छ, जसका कारण पनि बैंकहरुको नाफामा असर पुगेको हो । मूख्यत कर्जा बिस्तार हुन नसकेका कारण नै बैंकहरुको नाफामा असर परेको हो ।

१९ नाफा घटेका बैंक

कोरोना महामारीका कारण लगानीकर्ताले लगानी बिस्तार नगरि बैंकमा लगेर पैसा थुपारेका छन् । जसका कारण तत्काल लगानीमा लगाउन सकिने अहिले झन्डै १ खर्ब ८० अर्ब बराबरको रकम बैंकमा थुप्रिएर बसेको छ ।

बैंकहरुको नाफा घटेसँगै यसका सेयर लगानीकर्तालाई बितरण गर्ने नाफामा पनि कमि आएको छ । २० वटा बैंकको यस्तो बितरणयोग्य मुनाफामा कमि आएको छ । अबका आगामी दिनमा आर्थिक गतिबिधिमा सुधार आउन नसके आगामी वर्ष बैंकका सेयरलगानीकर्ताले पाउने लाभांसमा कमि आउने देखिन्छ ।

बैंकमा यसरी पैसा थुप्रिएपछि ब्याज आम्दानी बढ्न सकेको छैन तर ब्याज बापत हुने खर्च भने बैंकहरुको बढिनै रहेको छ । तर यस्तो महामारीका बिचमा पनि ८ वटा बैंकले भने नाफा बढाएको देखिन्छ ।

८ नाफा बढाएका बैंक

चैत मसान्त सम्म असल बर्गमा रहेको कर्जालाई पुस मसान्तसम्म खराब कर्जामा बर्गिकरण गर्न नपाइने राष्ट्र बैंकको व्यवस्था छ । तरपनि अहिले २७ बैंक मध्ये अहिले १७ वटा बैंकको खराब कर्जा बढेकोे छ ।

चैत मसान्तमा संकास्पद र कमसल कर्जाको बर्गिकरणमा परेका कर्जा अहिले खराब कर्जामा परिणत हुँदा खराब कर्जा बढेको देखिएको छ । पुस मसान्तपछि त खराब कर्जा अझै बढेर जाने निश्चीत नै छ ।