आधारभूमि संवाददाता
काठमाडौँ, ३० कात्तिक
आइतबार थप १४७७ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ६ हजार ४७६ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या २ लाख ९ हजार ७७६ पुगेको छ ।
थप २७९८ जना डिस्चार्ज
नेपालमा पछिल्लो २४ घण्टामा २७९८ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या १ लाख ७३ हजार ४३० पुगेको छ ।
नेपालमा हालसम्म कोरोनाबाट ज्यान गुमाउनेको संख्या १ हजार २२१ पुगेको छ। आइतबार मात्रै ६ जनाको मृत्यु भएको मन्त्रालयले पुष्टि गरेको छ।
