काठमाडौ, कात्र्तिक २८
जीवन बीमक संघनेपालको प्रथम साधारण सभाबाट नयाँ कार्यसमिति चयन भएको छ । संघको साधारण सभाले नयाँ कार्यसमिति गठन गरेको हो । जसमा सबै पदमा सर्वसम्मती कायम भई नयाँ अध्यक्षमा निर्मल काजि श्रेष्ठ आउनु भएको छ । उहाँ मेटलाईफ इन्स्योरेन्स कम्पनीको प्रमुख कार्यकारी अधिकृत र यस संघको निवर्तमान उपाध्यक्ष हुनुहुन्छ ।
त्यसैगरी उपाध्यक्षमा पोषक राज पौडेल निर्वाचित हुनु भएको छ । सिटिजन लाईफ इन्स्योरेन्स कम्पनीको प्रमुख कार्यकारी अधिकृत र यस संघको निवर्तमान महासचिव हुनुहुन्छ । महासचिवमा सन नेपाल लाइफ इस्योरेन्सका प्रमुख कार्यकारी अधिकृत राजकुमार अर्याल निर्वाचित हुनुभएको छ । उहाँ अघिल्लो कार्यसमिति सदस्य हुनुहुन्थ्यो । कोषाध्यक्षमा प्रविन रमण पराजुली चयन हुनुभएको छ । उहाँ रिलायन्स लाइफ इन्स्योरेन्स कम्पनीको प्रमुख कार्यकारी अधिकृत हुनुहुन्छ ।उहाँ अघिल्लो कार्यसमितिमा पनि कोषाध्यक्ष हुनुहुन्थ्यो ।
त्यसैगरी सदस्यहरुमा ज्योति लाइफ इन्स्योरेन्सका प्रमुख कार्यकारी अधिकृत प्रकाश विक्रम खत्रि, राष्ट्रिय बीमा संस्थानका प्रसासक कवि प्रसाद पाठक, युनियन लाइफ इन्स्योरेन्सका प्रमुख कार्यकारी अधिकृत मनोज कुमार लाल कर्ण, गुंरास लाइफ इन्स्योरेन्सका प्रमुख कार्यकारी अधिकृत नारायण कुमार भट्टराई, आईएमइ लाइफ इन्स्योरेन्सका प्रमुख कार्यकारी अधिकृत कवि फुयाल निर्वाचित हुनुभएको छ । नेपाल बीमक संघका अध्यक्ष दिप प्रकास पाण्डेले समग्र बीमा क्षेत्रको व्यवसायिक र दिगो विकाशको लागी दुवै संस्था मिलेर जानु पर्ने विषयमा प्रकाश पार्दै नव निर्वाचित पदाधिकारीहरुलाई वधाई तथा शुभकामना दिनु भयो ।
जीवन बीमक संघ नेपालका निवर्तमान अध्यक्ष शिवनाथ पाण्डेले नयां कार्य समिती समक्ष रहेका चुनौती र अवसरको लागी सवै पक्षसंग समन्वय गरेर अगाडि वढ्न शुभकामना सहित नव निर्वाचित पदाधिकारीहरुलाई वधाई दिनु भएको थियो । बीमा समितिका कार्यकारी निर्देशक राजु रमण पौडेलले जीवन बीमा क्षेत्रको सम्रग विकासको लागी बीमकहरु, संघहरु र समिति आपसमा मिलेर काम गर्नु पर्ने बताउदै नयाँ निर्वाचित कार्य समितिलाई आगामी कार्यकालको लागी बधाई तथा शुभकामना दिनुभयो । कार्यक्रमका प्रमुख अतिथिको रुपमा बीमा समितिका अध्यक्ष चिरञ्जीबी चापागाईले जीवन बीमा क्षेत्रको उल्लेख्य वृद्धी संगै मुख्य गरि व्यतित बीमालेख कम गर्ने तथा अभिकर्ताको व्यवसायिकता र व्यवस्थापनमा सुधार गर्नु पर्ने चुनौती रहेको वताउदै नयाँ निर्वाचित कार्य समितिलाई आगामी कार्यकालको लागी बधाई तथा शुभकामना दिनुभयो ।
कार्यक्रमको अन्त्यमा नव निर्वाचित अध्यक्ष निर्मल काजी श्रेष्ठले सबैलाई धन्यवाद ज्ञापन गर्दै सवै मिलेर बीमा क्षेत्रको व्यवसायिक विकास र नविनतम कार्यक्रमहरु संचालन गर्न तथा चुनौतीको मिलेर सम्वोदन गर्न समन्वय गर्दै अगाडी वढ्ने प्रतिवद्धता व्यक्त गर्नु भयो ।
