आधारभूमि संवाददाता

काठमाडौँ, २३ कात्तिक

सुनको मूल्यमा आज पनि सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ५०० ले वृद्धि भएको छ ।

शुक्रबार तोलामा रु ९७ हजार २०० मा कारोबार भएको सुनको मूल्य आज प्रतितोला रु ५०० बढेर रु ९७ हजार ७०० रुपैयाँमा कारोबार भएको छ र तेजाबी सुनको मूल्य प्रतितोला रु ९७ हजार २०० तोकेको छ । यस अघि शुक्रबार तेजाबी सुन प्रतितोला रु ९६ हजार ७०० मा खरिद बिक्री भएको थियो ।

आज चाँदीको मूल्य प्रतितोला रु २० ले वृद्धि भएको छ । आज महासङ्घले चाँदीको मूल्य प्रतितोला रु १२७५ तोकेको छ । यस अघि शुक्रबार चाँदी तोलामा रु १२५५ रुपैयाँमा कारोबार भएको थियो ।