आधारभूमि संवाददाता
काठमाडौँ, २३ कात्तिक
पेरिस सेन्ट जर्मेन (पीएसजी) ले फ्रेन्च लिग वानमा सहज जित निकालेको छ ।शनिबार राति भएको खेलमा पीएसजीले रेनसलाई ३-० गोलले पराजित गरेको हो ।
पीएसजीलाई जित दिलाउन एन्जल डी मारियाले दुई गोल र मोइज किनले एक गोल गरे । पीएसजीले दुई गोल पहिलो हाफमा र एक गोल दोस्रो हाफमा गरेको हो ।
खेलको ११ औं मिनेटमा मोइज किनले गोल गर्दै टोलीलाई अग्रता दिलाएका थिए। २१ औं मिनेटमा डी मारियाले गोल गर्दै पीएसजीको अग्रता दोब्बर पारे ।
त्यसपछि दोस्रो हाफको ७३ औं मिनेटमा डी मारियाले व्यक्तिगत दोस्रो गोल गर्दै पीएसजीलाई ३-० को जित दिलाए ।
जितसँगै पीएसजीले १० खेलबाट २४ अंक जोडेको छ र शीर्ष स्थानमा छ। पराजित रेनसको १० खेलबाट १८ अंक छ र तेस्रो स्थानमा छ ।
