आधारभूमि संवाददाता

काठमाडौं, २० कात्तिक

आज सुनको मूल्यमा सामान्य गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु १०० ले घटेको छ ।

बुधवार प्रतितोला रु ९६ हजार ३०० मा कारोबार भएको छापावाल सुनको मूल्य आज १०० ले घटेर प्रतितोला रु ९६ हजार २०० मा झरेको छ । महासङ्घले आजका लागि तेजाबी सुनको मूल्य प्रतितोला रु ९५ हजार ७०० तोकेको छ ।यस अघि बुधवार तेजाबी सुनको मूल्य प्रतितोला रु ९५ हजार ८०० मा कारोबार भएको थियो ।

आज चाँदीको मूल्य प्रतितोला रु ५ ले वृद्धि भएको छ । आज महासङ्घले चाँदीको मूल्य प्रतितोला रु १२१० तोकेको छ । यस अघि बुधवार चाँदी प्रतितोला रु १२०५ मा कारोबार भएको थियो ।