आधारभूमि संवाददाता
काठमाडौँ, २० कात्तिक
च्याम्पियन्स लिग फुटबलमा युभेन्ट्सले शानदार जित निकालेको छ। बुधबार राति समूह (जी)को खेलमा युभेन्ट्सले फेरेन्सभेरोस लाई ४–१ ले गोल अन्तरले पराजित गरेको हो ।
युभेन्ट्सलाई जित दिलाउन अल्वारो मोरोटाले दुई गोल र पाउलो डिबालाले एक गोल गरेका थिए ।युभेन्ट्सले एक गोल आत्मघाती गोलको उपहार पाएको थियो ।
खेलको ७ औं मिनेटमा अल्वारो मोरोटाले गोल गर्दै युभेन्ट्सलाई सुरुवाती अग्रता दिलाएका थिए ।
दोस्रो हाफको ६० औं मिनेटमा मोरोटाले व्यक्तिगत दोस्रो गोल गर्दै टोलीको अग्रता दोब्बर पारे । ६० औं मिनेटमा पाउलो डिबालाले गोल गर्दै टोलीलाई ३-० ले अघि बढाए।८१ औं मिनेटमा फेरेन्सभेरोसका लाशा डिभलीले आत्मघाती गोल गरेपछि युभेन्ट्स ४-० ले अघि बढ्यो ।त्यसपछि खेलको अतिरिक्त समयको इन्जुरी समयमा फेरेन्सभेरोसका फ्रान्क्क बोलिले एक गोल फर्काए ।
जितसंगै समूह (जि)मा रहेको युभेन्ट्सले ३ खेलबाट ६ अंक जोडेको छ र दोस्रो स्थानमा छ। शीर्ष स्थानको बार्सिलोनाको ३ खेलबाट ९ अंक छ ।
