काठमाडौ, कात्र्तिक १३
हल्ट प्राइज एट आईओई २०२१ र पुल्चोक क्याम्पसको नेक्स्टजेन संस्थाको संयुक्त सहकार्यमा आइतबार “उद्यमी टक सिरिज लेभल ४ समूह निर्माण” को कार्यक्रम सम्पन्न गरेको छ । दशैलाई लक्षित गर्दै आयोजना गरिएको हल्ट प्राइजमा ‘म्युजिकल इभ’ पनि आयोजना गरिएको थियो ।
इभेन्टमा ज्योति ग्रुुपका निर्देशक सौरभ ज्योति, फिनिक्स एरिजोनाका प्रा. स्कट मार्सल ब्राण्डोन, यल्लोस्पार्कका सहसंस्थापक अपर्ना जोशी खन्ड्वाला, चीनको माइहोमीकी मिडिया म्यानेजर जीन्सी क्षु लगायतको विशेष उपस्थितिमा समूहगत छलफल भएको थियो । उनीहरूले आआफ्ना अनुभव साट्नुका साथै नयकका उद्यमशीलताका लागि सहभागीहरुलाई अभिप्रेरित गरेका थिए ।
सो इभेन्टमा मिस नेपाल वर्ल्ड २०१५ इभाना मानन्धर, मिस नेपाल इन्टरनेस्नल २०१६ वर्षा लेखि, मिस नेपाल अर्थ् २०१८ प्रिया सिग्देल र आजकल फेसबुकमा भाइरल बनेको “सेवेन रिजन्स यु सुड नेभर भिजिट् नेपाल”की पर्वक्ता मान्सी अग्रवालहरूको अर्को प्यानल डिस्कसन पनि भएको थियो ।
उक्त कार्यक्रममा सेलिब्रेटी अतिथिको रुपमा गायकहरू शास्वत खड्का, स्मिता दाहाल, सुरजराज खत्री, भेषराज तिमल्सिना तथा कमिडियन आयुष श्रेष्ठ लगायतको विशेष उपस्थिति थियो । कार्यक्रममा सहभागीहरूले विभिन्न प्रश्नहरू गरी छलफल गरेका थिए । त्यसपछि ‘म्युजिकल इभ’ सुरू भयो ।
