आधारभूमि संवाददाता
काठमाडौँ, १३ कात्तिक
च्याम्पियन्स लिग फुटबलमा म्यान्चेष्टर युनाईटेडले शानदार जित निकालेको छ। बुधबारराति भएको खेलमा म्यान्चेष्टर युनाईटेडले आरबी आईपेजिगलाई ५-० गोलले पराजित गरेको हो ।
युनाईटेडलाई जित दिलाउन मार्कुस रासफोर्डले ह्याट्रिक गरे भने मासन ग्रिनउड र एन्थोनी मार्टियल एक-एक गोल गरेका थिए । रासफोर्डले मैदान छिरेको १६ मिनेटमा ह्याट्रिक पुरा गरेका थिए ।युनाईटेडले एक गोल पहिलो हाफमा र अरु गोल दोस्रो हाफमा गरेको हो ।
खेलको २१ औं मिनेटमा मासन ग्रिनउडले पाउल पोग्बाको पासमा गोल गर्दै युनाईटेडलाई पहिलो हाफमा अग्रता दिलाएका थिए ।
दोस्रो हाफको ७४ औं मिनेटमा ब्रुनो फर्नान्डेसको पासमा रासफोर्डले गोल गर्दै युनाईटेडको अग्रता दोब्बर पारे । त्यसको ४ मिनेटपछि रासफोर्डले व्यक्तिगत दोस्रो गोल गर्दै टोलीलाई ३-० ले अघि बढाए। ८७ औं मिनेटमा एन्थोनी मार्टियलले पेनाल्टीमा गोल गर्दै युनाईटेडको अग्रता फराकिलो बनाए ।त्यसपछि दोस्रो हाफको इन्जुरी समयमा रासफोर्डले ह्याट्रिक पुरा गरे र युनाईटेडलाई ५-० को शानदार जित दिलाए ।
जितसंगै समूह “याच”मा रहेको युनाईटेडले २ खेलबाट ६ अंक जोडेको छ र शीर्ष स्थानमा छ। पराजित आरपी लाईपेजिगको ३ अंक छ र तेस्रो स्थानमा रहेको छ ।
