आधारभूमि संवाददाता
काठमाडौँ, १३ कात्तिक
च्याम्पियन्स लिग फुटबलमा युभेन्ट्सले बार्सिलोनासंग ब्यवरेको छ ।बुधबार राति समूह (जी)को खेलमा बार्सिलोनाले युभेन्ट्सलाई २–० ले गोल अन्तरले पराजित गरेको हो ।
युभेन्ट्सलाई पराजित गर्ने क्रममा बार्सिलोनाका उसमान डेम्बेले र लियोनल मेस्सीले एक-एक गोल गरे ।बार्सिलोनाले एक गोल पहिलो हाफमा र अर्को गोल दोस्रो हाफको इन्जुरी समयमा गरेको हो ।
खेलको १४ औँ मिनेटमा डेम्बेलेले मेस्सीको पासमा गोल गर्दै टोलीलाई अग्रता दिलाएका थिए। त्यसपछि दोस्रो हाफको इन्जुरी समयमा लियोनल मेस्सीले पेनाल्टीमा गोल गर्दै बार्सिलोनालाई जित दिलाए । खेलको ८५ औं मिनेटमा मेरिह डेमिरल रातो कार्ड खाँदै बाहिरिँदा युभेन्टटस १० खेलाडीमा सीमित भएको थियो।
गत शनिबार एल–क्लासिकोमा रियल म्याड्रिडले बार्सिलोनालाई उसैको घरेलु मैदान ९क्याम्प नाउ० मा ३–१ गोल अन्तरले पराजित गरेको थियो ।
जितसंगै समूह (जि)मा रहेको बार्सिलोनाले २ खेलबाट ६ अंक जोडेको छ र शीर्ष स्थानमा छ। पराजित युभेन्ट्सको २ खेलमा ३ अंक छ र दोस्रो स्थानमा रहेको छ ।
