आधारभूमि संवाददाता
काठमाडौँ, ८ कात्तिक
शनिबार थप २ हजार २२५ जनामा कोरोना सङ्क्रमण पुष्टि भएको छ ।पछिल्लो २४ घण्टामा देशभरिका विभिन्न प्रयोगशालामा १३ हजार ८४६ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो ।यो सँगै हालसम्म सङ्क्रमितको सङ्ख्या १ लाख ५५ हजार २ सय ३३ पुगेको छ ।
थप २ हजार ८४६ जना डिस्चार्ज
नेपालमा कोरोनाभाइरस सङ्क्रमणबाट मुक्त हुने दर ६८.९ प्रतिशत छ। नेपालमा पछिल्लो २४ घण्टामा २ हजार ८४६ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या १ लाख ८ हजार ३३४ पुगेको छ ।
नेपालमा कोरोनाबाट ज्यान गुमाउनेको संख्या ८४२ पुगेको छ। शनिबार मात्रै १३ जनाको मृत्यु भएको मन्त्रालयले पुष्टि गरेको छ।
