आधारभूमि संवाददाता
काठमाण्डौं,५ कात्तिक
पूर्व सञ्चारमन्त्री गोकुल बाँस्कोटाले खेप्दै आएको भ्रष्टाचारको मुद्दामा पर्याप्त प्रमाण नपुगेकोले फैसला हुन सकेको छैन ।
अख्तियारले उनको मुद्दालाइ तामेलीमा राखेको छ। अख्तियारको सो निर्णय पछि उनले सफाइ पाउने आँकलन गरिएको छ ।
त्यसो त बाँस्कोटाले पनि आफूले कुनै भ्रष्टाचार नगरेको दावी गर्दै आएका छन् ।
उनको बयानलाई आधार मानेर अख्तियारले पनि मुद्दामा तामेली मा राखेको हो ।
अख्तियार दुरुपयोग अनुसन्धान आयोगले सेक्युरिटी प्रिन्टिङ प्रेस खरिदका विषयमा ७० करोड रुपैयाँ घुस प्रकरणको आरोप लागेका तत्कालीन सञ्चारमन्त्री गोकुल बाँस्कोटालाई मुद्दा चलाउन पर्याप्त प्रमाण नभेटिएको जनाएको छ ।
अख्तियारले संसद्को सार्वजनिक लेखा समितिलाई पत्र पठाउँदै बाँस्कोटाको विषयमा थप छानबिन गर्न पर्याप्त प्रमाण नपुग्ने जनाएको हो ।
आयोगले पूर्वमन्त्री बाँस्कोटा र विजयकुमार मिश्रबीच भएको संवादको अडियो र भिडियो प्रारम्भिक परीक्षण गरिएको गरेको थियो ।
तर घुस लिएको आधार र यथेष्ट प्रमाण कतै नभेटिएकाले थप अनुसन्धान गर्न नसकिएको भन्दै अख्तियारले छिनोफानो पकृया अधि नबढ्ने बताएको हो ।
आयोगले पूर्वमन्त्री बाँस्कोटासँग भने बयान लिइसकेको छ । अख्तियारको बयानमा बाँस्कोटाले आफूले सेक्युरिटी प्रिन्टिङ प्रेस खरिद प्रकरणमा घुस नलिएको बताएका छन् ।
त्यस्तै थप अनुसन्धानका लागि वास्तविक कन्टेनसहितको विवरण आवश्यक भएकाले विजय मिश्रसँग जवाफ मागेको थियो । उनले जवाफ बुझाउन नसकेको आयोगको दाबी छ ।
