आधारभूमि संवाददाता

काठमाडौँ, ५ कात्तिक

सोमबार र मंगलबार स्थिर रहेको सुनको मूल्यमा आज वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ८०० ले वृद्धि भएको छ ।

दुई दिन तोलामा रु ९४ हजार ७०० मा कारोबार भएको सुनको मूल्य आज प्रतितोला रु ८०० बढेर रु ९५ हजार ५०० रुपैयाँमा कारोबार भएको छ र तेजाबी सुनको मूल्य प्रतितोला रु ९५ हजार तोकेको छ । सोमबार र मंगलबार तेजाबी सुन प्रतितोला रु ९४ हजार २०० मा खरिद बिक्री भएको थियो ।

आज चाँदीको मूल्य प्रतितोला रु ३० ले वृद्धि भएको छ । आज महासङ्घले चाँदीको मूल्य प्रतितोला रु १२४० तोकेको छ । मंगलबार चाँदी प्रतितोला रु १० ले वृद्धि भएर रु १२१० रुपैयाँमा कारोबार भएको थियो ।