आधारभूमि संवाददाता
काठमाडौं, २९ असोज

युइएफए नेसन्स लिगमा पोर्चुगलले सानदार जित निकालेको छ।।बुधबार राति भएको खेलमा पोर्चुगलले स्विडेनलाई ३–० गोलले पराजित गरेको हो ।

पोर्चुगललाई जित दिलाउन डिएगो जोटाले दुई गोल र बर्नार्डो सिल्भाले एक गोल गरे । पोर्चुगलले दुई गोल पहिलो हाफमा र अर्को गोल दोस्रो हाफमा गरेको हो ।

खेलको २१ औँ मिनेटमा पोर्चुगलका सिल्भाले गोल गर्दै टोलीलाई अग्रता दिलाएका थिए। त्यसपछि पहिलो हाफको एक मिनेट अघि डिएगो जोटाले गोल गर्दै टोलीको अग्रता दोब्बर बनाए ।

त्यसपछि दोस्रो हाफको ७२ औँ मिनेटमा डिएगो जोटाले विलियन कार्भाल्होको पासमा व्यक्तिगत दोस्रो गोल गर्दै टोलीलाई ३–० को सानदार जित दिलाए ।

जितसंगै समूह ए थ्रीमा पोर्चुगलले १० अंक जोडेको छ र शीर्ष स्थानमा छ। दोस्रो स्थानको फ्रान्सको पनि १० अंक नै छ। तेस्रो स्थानको क्रोएसियाको ३ अंक छ ।