आधारभूमि संवाददाता

काठमाडौं, २८ असोज

आजपनि सुनको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ६०० ले घटेको छ ।

मंगलबार प्रतितोला रु ९५ हजार १०० मा कारोबार भएको छापावाल सुनको मूल्य आज प्रतितोला ६०० ले घटेर प्रतितोला रु ९४ हजार ५०० मा झरेको छ । महासङ्घले आजका लागि तेजाबी सुनको मूल्य प्रतितोला रु ९४ हजार तोकेको छ । मंगलबार तेजाबी सुनको मूल्य प्रतितोला रु ९४ हजार ६०० मा कारोबार भएको थियो ।

आज चाँदीको मूल्य प्रतितोला रु २० ले घटेको छ । आज महासङ्घले चाँदीको मूल्य प्रतितोला रु १२०५ तोकेको छ । मंगलबार चाँदी तोलामा रु १२२५ रुपैयाँमा कारोबार भएको थियो ।