काठमाडौ, असोज २७
जग्गा हेर्ने बहानामा लुुटपाट गरी हत्या गरेको अभियोगमा तीन जनालाई प्रहरीले पक्राउ गरेको छ । महानगरीय अपराध महाशाखा मिनभवनको टोलीले हत्यामा संलग्न भएको अभियोगमा तीन जनालाई पक्राउ गरी आज मंगलबार पत्रकार सम्मेलन गरी सार्वजनिक गरेको हो ।
प्रहरीका अनुसार पक्राउ पर्नेहरुमा सिन्धुुपाल्चोको बाह्बिसे नगरपालिका २ लेर्खक घर भई काठमाडौको थली बस्दै आएका ३७ वर्षीय कामी शेर्पा, सिन्धुुपाल्चोकको चौताराको बतासे नगरपालिका २ घर भई काठमाडौको बौद्ध बस्दै आएका २३ वर्षीय रमेश तामाङ (ज्वाला तामाङ) र रामेछापको धोवी गाउँपालिका घर भई काठमाडौको बौद्ध बस्दै आएका २७ बर्षिया वर्षीय प्रेम तामाङ रहेको महाशाखाले जानकारी दिएको छ ।
पक्राउ परेकाहरुले भक्तपुरको चाँगुनारायण नगरपालिका–८, सुडालका ६१ वर्षीय चन्द्रबहादुर योञ्जन (लामा) को गत साता हत्त्या गरेका थिए । गत बुधबार अपरान्ह करिब ४ बजेतिर घरमा आएका अज्ञात व्यक्तिहरुको अनुरोधपछि योञ्जन बिक्रीमा रहेको जग्गा देखाइदिन भन्दै डेढ किलोमिटरको दूरीमा रहेको भक्तपुरको सुडालमा लगेका थिए ।
सो पश्चात उक्त समुहले योञ्जनलाई कुटपिट गरी सिक्री लुटेर भागेका थिए । योञ्जनको उपचारको क्रममा गत बिहिबार काठमाडौको ग्रिन सिटी हस्पिटलमा मृत्युु भएको महाशाखाले जनाएको छ ।
