दाङ, २१ कात्तिक
राष्ट्रिय प्रजातन्त्र पार्टीका अध्यक्ष कमल थापाले कालापानी लिपुलेक नेपालको अभिन्न अङ्ग अभिभाज्य भुमी भएको भन्दै भारतले जारी गरेको नक्सा अस्वीकार्य भएको बताएका छन् । आज दाङको तुल्सिपुरमा आयोजित चुनावि कार्यक्रममा बोल्दै थापाले सरकारले तुरुन्तै कुटनितिक पहल गरि समस्याको हल खोज्न सरकारलाई सुझाव पनि दिए ।
नेपालको भुमी कब्जा गर्ने कार्य आपत्तिजनक भएको भन्दै उनले विदेशिको हस्तक्षेपमा सरकार मौन बस्न नमिल्ने भन्दै लाचारिपन र आत्मसमर्पणवादी मानसिकताले मुलुकको स्वाधिनताको रक्षा हुन नसक्ने ठोकुवा गरे ।राष्ट्रियताको मुद्दा बोकेर दुई तिहाई बहुमत प्राप्त गर्ने सरकार विदेशि हस्तक्षेपका सामु निरिह,लाचार र कमजोर हुनु दुर्भाग्यपूर्ण भएको भन्दै स्वाधिनताको रक्षाका खातिर कसैसँग सम्झौता हुन नसक्ने बिचार ब्यक्त गरे । निकै आक्रामक शैलिमा प्रस्तुत भएका थापाले बिप्लव माओवादीलाई सरकारले बार्तामा बोलायर समस्या समाधान गर्नुपर्नेमा जोड दिए ।
अब मुलुकले हत्या/ हिंसाको चक्र सहन नसक्ने भन्दै नेकपाले यो पक्षलाई गम्भीरतापुर्व मनन गर्न आवश्यक भेको विचार ब्यक्त गरे । धर्म, संस्कृती मासेर कुनै पनि मुलुकले प्रगती गर्न नसक्ने भन्दै थापाले धर्म परिवर्तनको डढेलोले धार्मिक द्वन्द तर्फ मुलुक जान सक्ने भन्दै चिन्ता ब्यक्त गरे । काङ्ग्रेस कम्युनिस्टको असफलतालाई सबक सिकाउनको निमित्त आगामी उपनिर्वाचनमा राप्रपालाई सघाउन थापाले जनता समक्ष आग्रह गरे । कार्यक्रममा पार्टीका उपाध्यक्ष प्रेम बहादुर भण्डारी , महामन्त्री डा.धवलशमसेर राणा, प्रदेश -५ अध्यक्ष प्रदिप उदय, मिना स्वर्णकार र प्रदेश उम्मेदवार भुपाल रावतले बोलेका थिए ।
