आधारभूमि संवाददाता

काठमाडौं, २२ असोज

बिहीबार सुनको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु २०० ले घटेको छ ।

बुधवार प्रतितोला रु ९४ हजार १०० मा कारोबार भएको छापावाल सुनको मूल्य आज २०० ले घटेर प्रतितोला रु ९३ हजार ९०० मा झरेको छ । महासङ्घले आजका लागि तेजाबी सुनको मूल्य प्रतितोला रु ९३ हजार ४०० तोकेको छ । बुधवार तेजाबी सुनको मूल्य प्रतितोला रु ९३ हजार ६०० मा कारोबार भएको थियो ।

आज महासङ्घले चाँदीको मूल्य प्रतितोला रु १ हजार १ सय ८० तोकेको छ । बुधबार चाँदी तोलामा रु १ हजार १ सय ७५ रुपैयाँमा कारोबार भएको थियो ।