काठमाडौ, असोज १९
गोर्खा इको प्यानलको प्रयोगबाट देशका विभिन्न जिल्लाहरुमा धमाधम क्वारेन्टाइनहरु निर्माण हुन थालेका छन् । छिटो निर्माण सम्पन्न हुने भएकाले गोर्खा इको प्यानलको प्रयोग गरी धमाधम क्वारेन्टाइनहरु निर्माण हुन थालेका हुन् ।
कोभिड १९ को बेला क्वारेन्टाइन भबनहरु तुरुन्त निर्माण गर्नुपर्ने र गोर्खा इको प्यानलको प्रयोगबाट यो सम्भब भएकाले गोर्खा इको प्यानलको प्रयोगबाट टेष्ट ल्याबलगायतका कोभिड क्वारेन्टाइनहरु निर्माणमा प्रयोग हुँंदै आएको हो ।
कम्पनीले जनाए अनुसार अहिलेसम्म, सुदूरपश्चिम प्रदेश सरकारले ५० बेडको धनगढीमा गोर्खा इको प्यानलको प्रयोगबाट कोरोना अस्पतालको निर्माण गरेको छ । कञ्चनपुरको महाकाली अस्पताल महेन्द्रनगर कञ्चनपुरमा कोभिड १९ को लागि ५० बेडको क्वारेन्टाइनको निर्माण पनि यही गोर्खा इको प्यानलको प्रयोगबाट बनेको छ । यस्तै विभिन्न जिल्लाहरुमा कोभिड १९ टेष्ट ल्याबहरु पनि धमाधम निर्माण भइरहेका छन् । डडेलधुरा अस्पतालमा कोभिड १९ टेष्ट ल्याब पनि बनेको छ । साथसाथै गोर्खा इको प्यानलको प्रयोगबाट सेती अञ्चल अस्पताल धनगढीमा कोभिड १९ को लागि क्वारेन्टाइन बनाउनमा पनि प्रयोग भएका छन् ।
उपत्यका बाहिर मात्रै नभई उपत्यकाभित्रका विभिन्न कोभिडसँंग सम्वन्धित निर्माणका लागि पनि गोर्खा इको प्यानलको प्रयोग भएका छन् । ललितपुरको कुपण्डोलमा रहेको कोभिड १९ टेष्ट ल्याब वीआईडीएच पनि गोर्खा इको प्यालनबाटै बनाइएको छ । वीआईडीएच म्यानेजमेन्ट प्रालि टेष्ट ल्याब नेपालको एउटै मात्रै कोभिड १९ टेष्ट ल्याब नेपाल सरकार जनस्वास्थ्य कार्यालय अन्तर्गतको सम्वन्धनमा बनेको हो ।
कारखानामा पहिला नै तयार पारेर बनाइएको प्रिफ्याब प्यानल भित्री तथा वाहिरी पार्टेशन वालको रुपमा प्रयोग हुने भएका कारण गोर्खा इको प्यालनबाट छिटोछरिटो निर्माण सम्भब भएको हो । यसको प्रयोगबाट छोटो समय मै कोरोना अस्पताल पनि तयार हुन सम्भब भएको छ । यही कारण अहिले कोभिडको लागि भौतिक निर्माण गर्न गोर्खा इको प्यानलको माग देशभरिबाट आइरहेको गोर्खा इको प्यानलका कार्यकारी अधिकृत कृष्णराम देउपाला वताउँछन् । गोर्खा इको प्यानलका धेरै विशेषताहरुमध्ये तीव्र निर्माण सम्भब हुनु एउटा मुख्य विशेषता रहेको छ । कोरोना महामारीको यो विषम परिस्थितिमा अस्पताल लगायतको तीव्र निर्माणका लागि यो प्यानल उपयोगीसिद्ध भएको जनाइएको छ ।
इको प्यानलको केन्द्रिय कार्यालय अरनिको राजमार्ग अन्तर्गत भक्तपुरको मध्यपुर थिमि राधेराधे नजिकै रहेको छ । गोर्खा इको प्यानल इन्टरनेशनल ग्रीन डेभलपर्स प्रालि अन्तर्गत सञ्चालित निर्माण सामाग्री उत्पादन कम्पनी हो ।
