काठमाडौ, असोज १७
दसैंमा ग्यापुमा सामान किन्ने हरेक उपभोक्ताले एक महिनाको सब्सक्रिप्सन सहित ओटिटी (मोबाइल टिभी) निःशुल्क प्राप्त गर्ने भएका छन् । ग्यापुमा सपिङ गर्ने उपभोक्ताले प्रभु पेको मोबाइल वालेटबाट पैसा तिरेको खण्डमा १० प्रतिशत (अधिकतम पाँच सय रुपैयाँ) क्यास ब्याक पाइने ग्यापुका संस्थापक ज्ञानेन्द्र खड्काले बताए । ग्यापुको दसैं तिहार धमाका अन्तर्गत दिइने क्यास ब्याक २५ लाख बराबरको रहने जानकारी कम्पनीले दिएको छ ।
प्रभु पेले ग्यापुमा सपिङ गर्ने उपभोक्तामध्ये हरेक १५ दिनमा एक जना भाग्यशाली ग्राहकलाई एक वर्षको सब्सक्रिप्सन, सेट अप बक्स र इन्स्टलेसन सहित प्रभु टिभी दिने जानकारी दिएको छ । त्यस्तै, दसैं धमाकाको अन्त्यमा एक जना लक्की ग्राहकलाई प्रभु पेको तर्फबाट एउटा वासिङ मेसिन पाउने खड्काले बताएकाछन ।
ग्यापुको बेवसाइटबाट सपिङ अर्डर गर्दा प्रभु पेको वालेटबाट पैसा तिरेर वा सामान डेलिभरीको बेला पनि प्रभु पेको क्युआर कोड स्क्यान गरेर क्यास ब्याक लिन सकिने छ ।
