पोखरा, १५ असोज /रासस
पोखरा महानगरपालिकाले ३० औँ अन्तर्राष्ट्रिय ज्येष्ठ नागरिक दिवसका अवसरमा महानगरभित्रका दुई ज्येष्ठ नागरिकलाई सम्मान गरेको छ । महानगरपालिकाले हरेक वर्ष गर्दै आएको नगर माता र नगर पिता सम्मानअन्तर्गत एक सय सात वर्षीया कलावती गिरी र १०४ वर्षीय तेजबहादुर गुरुङ सम्मानित हुनुभएको हो ।
कोरोना भाइरसका कारण महानगरले दुवै जनालाई उहाँहरुकै घरमा पुगेर महानगर प्रमुख र उपप्रमुख सम्मान गर्नुभएको हो । पोखरा–११ रानीपैवाका गुरुङलाई नगर प्रमुख मानबहादुर जिसी र पोखरा–२४ की गिरीलाई उपप्रमुख मञ्जुदेवी गुरुङले नगद रु १० हजार १२५, फूलमाला र दोसल्ला ओढाएर सम्मान गर्नुभएको हो । महानगरले प्रत्येक वर्ष ज्येष्ठ नागरिक मध्ये दुई जनालाई सम्मान गर्र्दै आएको छ । महानगरले उनीहरुलाई नगर पिता र नगर आमाका रुपमा सम्मान गरेको हो ।
