आधारभूमि संवाददाता
काठमाडौं, १५ असोज
बिहीबार सुनको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु २०० ले घटेको छ ।
स्थानीय बजारमा आज छापावाल सुनको मूल्य प्रतितोला रु ९४ हजार ५०० मा झरेको छ । बुधवार छापावाल सुनको मूल्य प्रतितोला रु ९४ हजार ७०० मा कारोबार भएको थियो । महासङ्घले आजका लागि तेजाबी सुनको मूल्य प्रतितोला रु ९४ हजार तोकेको छ । बुधवार तेजाबी सुनको मूल्य प्रतितोला रु रु ९४ हजार २००मा कारोबार भएको थियो ।
आज चाँदीको मूल्य प्रतितोला रु १५ ले घटेको छ ।आज महासङ्घले चाँदीको मूल्य प्रतितोला रु ११ सय ७५ तोकेको छ ।बुधवार चाँदी प्रतितोला रु १ हजार १ सय ९० मा कारोबार भएको थियो ।
