आधारभूमि संवाददाता
काठमाडौ, असोज १२
रोनाल्डोले दुई गोल गरे पनि इटालियन सिरि ए च्याम्पियन युभेन्ट्स रोमासँग बराबरीमा रोकिएको छ। आइतबार राति रोमाको घरेलु मैदानमा भएको खेलमा १० खेलाडीमा सिमित युभेन्टस २–२ को बराबरीमा रोकिएको हो ।
खेलमा युभेन्टसको लागि रोनाल्डोले दुई गोल गरे भने रोमाको लागि पनि जोर्डन भेरेटोउटले दुई गोल गरेका थिए।
खेलमा पहिलो अग्रता रोमाले लिएको थियो । खेलको ३१ औँ मिनेटमा रोमाका भेरेटोउटले पेनाल्टीमा गोल गर्दै टोलीलाई अग्रता दिलाएका थिए। ४४ औं मिनेटमा रोनाल्डोले गोल गर्दै खेल बराबरीमा ल्याए । रोनाल्डोले पनि सो गोल पेनाल्टीमै गरेका थिए।
पहिलो हाफको इन्जुरी समयमा भेरेटाउटले व्यक्तिगत दोस्रो गोल गर्दै टोलीलाई २–१ ले अघि बढाएका थिए । त्यसपछि दोस्रो हाफको ६९ औं मिनेटमा रोनाल्डोले व्यक्तिगत दोस्रो गोल गर्दै टोलीलाई हारबाट जोगाए । त्यसपछि कुनै थप गोल नहुँदा दुबै टोलीले एक एक अंक बाढेका हुन् ।
खेलको ६२ मिनेटमा राबिओट दोस्रो पहेँलो कार्ड पाउँदै मैदान बाहिरिएपछि युभेन्ट्स १० खेलाडीमा सिमित बनेको थियो ।
युभेन्टसले पहिलो खेलमा साम्पोडियालाई ३–० ले पराजित गरेको थियो ।
बराबरीसँगै युभेन्टसले दुई खेलबाट ४ अंक जोडेको छ । युभेन्टस तालिकाको चौथौ स्थानमा छ। रोमा १ अंक सहित १३ औं स्थानमा छ ।
